[支力會]
你而家睇到嘅哩個背影，
係屬於支力會嘅核心成員，阿人。
《散蛋劇場0608 工作休息再工作》
C: 星期日嘅晚上，當人人都忙住出去享受埋一星期最後relax嘅一個晚上，我地搵到一位愁眉深鎖嘅人，每個星期哩一日，佢都會好迷失。佢係支力會嘅核心成員，佢係阿人。
N: 支力會係一個長寫嚟嘅，佢嘅簡寫係，攰會。
N: 我地嘅中心思想係：
釋放公司員工；
平反遲到罰錢；
追究高層責任；
結束一職多能；
建設有薪OT。
C: 支力會上星期四喺公園搞咗佢地一年一度嘅集會，今年已經係第二十六年啦~
N: 要爭取嘅嘢，始終需要有人爭取嘅。
C: 你1966年，都好似曾經想加入過公司嘅高層，一齊欺壓啲員工架喎。
N: 冇錯，的確係咁，不過當時佢地唔受我玩，所以我到今時今日都仲係個職員仔！所以我今日係站於正義嗰一邊嘅。
C: 都幾好吖。
C: 但係咁講吖，如果，我係話如果，公司高層又決定比你加入佢地，你會唔會放棄支力會嘅一班同志呢？
N: 你係講真架？你喺邊度收到哩一個消息架呢？
C: 唔係呀，我係指如果。
N: 吓……咁……咁我梗係唔會啦。
C: 其實係真架。
N: 可以商量嘅。
C: 星期日，對你嚟講，有咩意義？星期一，對你嚟講，又有咩意義？人生，工作，又有咩意義？每星期去支力會嘅人，到底有幾支力？有幾攰呢？攰，又點解唔返屋企休息呢？
N: 我覺得，係因為一個信念囉。
C: 你數緊啲咩呀？
N: 我數緊我地會眾捐比我地嘅經費。
C: 哩啲經費會攞嚟做啲咩架？
N: 我今年打算買部平板，返公司個位度睇下啲健康圖片。
C: 點解要咁做呀？
N: 我地至少要比個態度比高層睇，我返工，唔一定要交個心出嚟架。
C: 你拎大家嘅經費變自己嘅利益，你覺唔覺得，係出賣咗大家呢？
N: 我係出賣大家！但係我都唔好受架！我不入地獄，誰入地獄！
C: 星期日嘅報導到此為止。
出賣你，唔等於背叛你。
支力會！反OT！反高層！反工作！
P.S. 《支力會》現正招收會員。
#支力會 #攰會 #散蛋劇場
Search